ಕೊನೆಗೂ ಜಿಲ್ಲಾ ಉಸ್ತುವಾರಿ ಸಚಿವರ ನೇಮಕ : ಶ್ರೀರಾಮುಲು, ಆರ್.ಅಶೋಕ್​, ಅಶ್ವತ್ಥ ನಾರಾಯಣಗೆ ನಿರಾಸೆ..!

ಬೆಂಗಳೂರು : ಸಾಕಷ್ಟು ಹಗ್ಗಜಗ್ಗಾಟದ ಬಳಿಕ ಕೊನೆಗೂ ಮಂತ್ರಿಗಳಿಗೆ ಜಿಲ್ಲಾ ಉಸ್ತುವಾರಿಯನ್ನ ನೀಡಲಾಗಿದೆ. ಸಾಕಷ್ಟು ಕುತೂಹಲ ಮೂಡಿಸಿದ್ದ ಬೆಂಗಳೂರು ಉಸ್ತುವಾರಿಯನ್ನ ಸಿಎಂ ಯಡಿಯೂರಪ್ಪ ಜಾಣ್ಮೆಯಿಂದ ತಮ್ಮಲ್ಲೇ ಉಳಿಸಿಕೊಂಡಿದ್ದಾರೆ. ಬೆಂಗಳೂರು ಉಸ್ತುವಾರಿಗಾಗಿ ಡಿಸಿಎಂ ಅಶ್ವತ್ಥ ನಾರಾಯಣ ಹಾಗೂ ಆರ್. ಅಶೋಕ್​ ನಡುವೆ ಪೈಪೋಟಿ ಇತ್ತು ಹೀಗಾಗಿ, ಯಾರಿಗೂ ಬೇಡ ಅಂತ ಸಿಎಂ ಯಡಿಯೂರಪ್ಪ ಅವರೇ ಉಳಿಸಿಕೊಂಡಿದ್ದಾರೆ.

ಈ ನಡುವೆ, ಬಳ್ಳಾರಿ ಉಸ್ತುವಾರಿ ನಿರೀಕ್ಷೆ ಮಾಡಿದ್ದ ಶ್ರೀರಾಮುಲುಗೆ ಭಾರೀ ನಿರಾಸೆಯಾಗಿದೆ. ಈ ಹಿಂದೆಯೇ ಸಿಎಂ ಯಡಿಯೂರಪ್ಪ ಬಳಿ ಬಳ್ಳಾರಿ ಉಸ್ತುವಾರಿ ನೀಡುವಂತೆ ರಾಮುಲು ಮನವಿ ಮಾಡಿದ್ರು. ಆದ್ರೆ, ರಾಮುಲುಗೆ ಚಿತ್ರದುರ್ಗ ಹಾಗೂ ರಾಯಚೂರು ಉಸ್ತುವಾರಿ ನೀಡಲಾಗಿದೆ. ತವರು ಜಿಲ್ಲೆಯ ಉಸ್ತುವಾರಿ ಸಿಗದೇ ಇರೋದಕ್ಕೆ ಸಹಜವಾಗಿಯೇ ಶ್ರೀರಾಮುಲುಗೆ ಭಾರಿ ನಿರಾಸೆಯಾಗಿದೆ.

ಯಾವ ಜಿಲ್ಲೆ ಯಾರು ಉಸ್ತುವಾರಿ ಅನ್ನೋದನ್ನ ನೋಡೋದಾದ್ರೆ.

ಬಿ.ಎಸ್. ಯಡಿಯೂರಪ್ಪ                 ಬೆಂಗಳೂರು ನಗರ

ಗೋವಿಂದ ಕಾರಜೋಳ                    ಬಾಗಲಕೋಟೆ, ಕಲಬುರಗಿ

ಡಾ.ಅಶ್ವತ್ಥ ನಾರಾಯಣ                    ರಾಮನಗರ, ಚಿಕ್ಕಬಳ್ಳಾಪುರ

ಲಕ್ಷ್ಮಣ ಸವದಿ                               ಬಳ್ಳಾರಿ, ಕೊಪ್ಪಳ

ಕೆ.ಎಸ್. ಈಶ್ವರಪ್ಪ                          ಶಿವಮೊಗ್ಗ, ದಾವಣಗೆರೆ

ಆರ್.ಅಶೋಕ್​                             ಬೆಂಗಳೂರು ಗ್ರಾಮಾಂತರ, ಮಂಡ್ಯ

ಜಗದೀಶ್ ಶೆಟ್ಟರ್                          ಬೆಳಗಾವಿ, ಹುಬ್ಬಳ್ಳಿ-ಧಾರವಾಡ

ಬಿ.ಶ್ರೀರಾಮುಲು                           ಚಿತ್ರದುರ್ಗ, ರಾಯಚೂರು

ಎಸ್.ಸುರೇಶ್ ಕುಮಾರ್                 ಚಾಮರಾಜನಗರ

ವಿ.ಸೋಮಣ್ಣ                               ಮೈಸೂರು, ಕೊಡಗು

ಸಿ.ಟಿ. ರವಿ                                   ಚಿಕ್ಕಮಗಳೂರು

ಬಸವರಾಜ ಬೊಮ್ಮಾಯಿ                 ಹಾವೇರಿ, ಉಡುಪಿ

ಕೋಟ ಶ್ರೀನಿವಾಸ ಪೂಜಾರಿ              ಮಂಗಳೂರು

ಜೆ.ಸಿ. ಮಾಧುಸ್ವಾಮಿ                      ತುಮಕೂರು, ಹಾಸನ

ಸಿಸಿ ಪಾಟೀಲ್                              ಗದಗ, ವಿಜಯಪುರ

ಹೆಚ್​.ನಾಗೇಶ್​                             ಕೋಲಾರ

ಪ್ರಭು ಚೌವ್ಹಾಣ್​                           ಬೀದರ್, ಯಾದಗಿರಿ

ಶಶಿಕಲಾ ಜೊಲ್ಲೆ                             ಉತ್ತರ ಕನ್ನಡ