ಕೆ.ಮಂಜು ಸಿನಿಮಾದಲ್ಲಿ ಕಣ್ ಸನ್ನೆ ಹುಡುಗಿ ಪ್ರಿಯಾ ವಾರಿಯರ್​ : ಕನ್ನಡಕ್ಕೆ ಅಧಿಕೃತ ಎಂಟ್ರಿ ಕೊಟ್ಟ ನ್ಯಾಷನಲ್ ಕ್ರಶ್

ಬೆಂಗಳೂರು : ಕಣ್ ಸನ್ನೆ ಹುಡುಗಿ ಪ್ರಿಯಾ ವಾರಿಯರ್ ಯಾರಿಗೆ ತಾನೇ ಗೊತ್ತಿಲ್ಲ ಹೇಳಿ. ತನ್ನ ಕಣ್ ಸನ್ನೆ ಮೂಲಕ ಒಂದೇ ಒಂದು ದಿನದಲ್ಲಿ ಇಡೀ ದೇಶಾದ್ಯಂತ ಫ್ಯಾನ್​ ಫಾಲೋಯಿಂಗ್ ಪಡೆದು, ನ್ಯಾಷನಲ್ ಕ್ರಶ್​ ಆದ ಹುಡುಗಿ. ಈ ಮಲಯಾಳಂ ಬೆಡಗಿ ಈಗ ಕನ್ನಡ ಸಿನಿಮಾದಲ್ಲಿ ನಟಿಸೋಕೆ ಒಪ್ಪಿಗೆ ಸೂಚಿಸಿದ್ದಾಳೆ.

ನಿರ್ಮಾಪಕ ಕೆ.ಮಂಜು ಪುತ್ರ ಶ್ರೇಯಸ್ ಮಂಜು ಅಭಿನಯದ ವಿಷ್ಣು ಪ್ರಿಯಾ ಸಿನಿಮಾಗೆ ಈಗ ಪ್ರಿಯಾ ವಾರಿಯರ್ ನಾಯಕಿ. ಮಲಯಾಳಂನ ಒರು ಕಾದಲ್​ ಸಿನಿಮಾ ಮೂಲಕ ಸಿನಿಮಾ ರಂಗಕ್ಕೆ ಕಾಲಿಟ್ಟ ಪ್ರಿಯಾ ವಾರಿಯರ್, ಕೇವಲ ಒಂದೇ ಒಂದು ದೃಶ್ಯದ ಮೂಲಕ ಫೇಮಸ್​ ಆಗಿ ಬಿಟ್ರು. ಸಿನಿಮಾ ಫ್ಲಾಪ್​ ಆದರೂ, ಪ್ರಿಯಾಗೆ ಎಲ್ಲಾ ಭಾಷೆಗಳಲ್ಲೂ ಆಫರ್​ಗಳು ಬರ್ತಿವೆ. ಈಗಾಗಲೇ ಹಿಂದಿ, ತಮಿಳು, ತೆಲುಗು ಸೇರಿದಂತೆ ಮಲಯಾಳಂನಲ್ಲಿ ಬ್ಯುಸಿಯಾಗಿರೋ ಪ್ರಿಯಾ, ಈಗ ಕನ್ನಡ ಸಿನಿಮಾವನ್ನೂ ಒಪ್ಪಿಕೊಂಡಿದ್ದಾರೆ.

ಇದೇ ಸೆಪ್ಟೆಂಬರ್​ನಿಂದ ಶೂಟಿಂಗ್ ಶುರುವಾಗಲಿದ್ದು, ಪ್ರಿಯಾ ವಾರಿಯರ್ ಸಿನಿಮಾ ತಂಡವನ್ನ ಸೇರಿಕೊಳ್ಳಲಿದ್ದಾರೆ ಎಂದು ನಿರ್ಮಾಪಕ ಕೆ.ಮಂಜು ಹೇಳಿದ್ದಾರೆ. ಇತ್ತೀಚೆಗಷ್ಟೇ ಶ್ರೇಯಸ್ ಮಂಜು ಅಭಿನಯದ ಪಡ್ಡೆಹುಲಿ, ರಿಲೀಸ್​ ಆಗಿ ಮಿಶ್ರಪ್ರತಿಕ್ರಿಯೆ ಪಡೆದಿತ್ತು.