ಕೆಪಿಸಿಸಿ ಅಧ್ಯಕ್ಷ ಸ್ಥಾನಕ್ಕೆ ಡಿಕೆಶಿ ನಂತರ ಮುನಿಯಪ್ಪ ಕಣ್ಣು

ಕೋಲಾರ: ಕೆಪಿಸಿಸಿ ಅಧ್ಯಕ್ಷ್ಯ ಸ್ಥಾನದ ಮೇಲೆ ಕೇಂದ್ರದ ಮಾಜಿ ಮಂತ್ರಿ ಕೆಎಚ್ ಮುನಿಯಪ್ಪ ಕಣ್ಣು ಕೂಡ ಬಿದ್ದಿದ್ಯಾ ಎಂಬ ಮಾತು ಕಾಂಗ್ರೆಸ್‌ ಆಪ್ತವಲಯದಲ್ಲಿ ಕೇಳಿಬರುತ್ತಿದೆ, ಈಗಾಗಲೇ ಕೆಪಿಸಿಸಿ ಅಧ್ಯಕ್ಷ ಸ್ಥಾನದ ಮೇಲೆ ಕಣ್ಣಿಟ್ಟಿದ್ದ ಡಿಕೆ ಶಿವಕುಮಾರ್‌ ಜಾರಿ ನಿರ್ದೇಶನಾಲಯದ ಕಪಿಮುಷ್ಠಿಯಿಂದ ತಪ್ಪಿಸಿಕೊಂಡು ಬರುವ ಲಕ್ಷಣಗಳು ಕಾಣುತ್ತಿಲ್ಲವಾದ್ದರಿಂದ ನಿಧಾನವಾಗಿ ಹೈಕಮಾಂಡ್‌ ಬಳಿ ದಿನೇಶ್ ಗುಂಡೂರಾವ್ ನಂತರ ನನ್ನನ್ನೇ ಅಧ್ಯಕ್ಷನ್ನಾಗಿ ಮಾಡಿ ಎಂದು ಮುನಿಯಪ್ಪ ಹೇಳಿದ್ದಾರೆ ಎನ್ನಲಾಗಿದೆ.

ರಾಜ್ಯ ಸರ್ಕಾರದಲ್ಲಿ ಪರಿಶಿಷ್ಟ ಜಾತಿ ಎಡಗೈ ಸಮುದಾಯಕ್ಕೆ ಸ್ಥಾನ ಮಾನ ಹಿನ್ನೆಲೆ ಈ ಬೇಡಿಕೆ ಇಟ್ಟಿರೊ ಕೆಎಚ್ ಮುನಿಯಪ್ಪ, ದಿನೇಶ್ ಗುಂಡೂರಾವ್ ಬದಲಾಯಿಸಿ ಎಂದು ನಾವು ಮನವಿ ಮಾಡಿಲ್ಲ, ಆದರೆ ಮುಂದಿನ ಅವಧಿಗೆ ನನಗೆ ಅವಕಾಶ ಮಾಡಿ ಕೊಡಿ ಎಂದು ವರಿಷ್ಠರ ಬಳಿ ಹೇಳಿದ್ದಾರೆ. ದಿನೇಶ್‌ ಗುಂಡೂರಾವ್‌ ತಕ್ಷಣಕ್ಕೆ ಅಧಿಕಾರ ತ್ಯಜಿಸ್ತಾರೋ ಇಲ್ಲವೋ, ಆದರೆ ಲಾಭಿಯಂತೂ ಜೋರಾಗಿಯೇ ನಡೆದಿದೆ.