ಕಾಲಚಕ್ರ ಉರುಳುತ್ತೆ, ತಾಯಿ ಕಣ್ಣೀರ ಶಾಪ ತಟ್ಟುತ್ತೆ : ಮೋದಿ-ಶಾಗೂ ಇದೇ ಗತಿ ಬರುತ್ತೆ : ಹೆಚ್​ಡಿಕೆ ಈ ಮಾತು ಹೇಳಿದ್ದು ಯಾಕೆ..?

ಕನಕಪುರ/ಬೆಂಗಳೂರು : ರಾಜ್ಯ ರಾಜಕೀಯದಲ್ಲಿ ಜೋಡೆತ್ತು ಎಂದೇ ಖ್ಯಾತಿ ಪಡೆದಿದ್ದವರು ಹೆಚ್​ಡಿಕೆ-ಡಿಕೆಶಿ. ಸಮ್ಮಿಶ್ರ ಸರ್ಕಾರವನ್ನ ಕಾಪಾಡಿಕೊಂಡು ಬಂದಿದ್ದೇ ಡಿಕೆಶಿ ಅಂದ್ರೆ ತಪ್ಪಲ್ಲ. ಆದ್ರೀಗ ಡಿಕೆಶಿ ಇಡಿ ವಶದಲ್ಲಿದ್ದಾರೆ. ಇದರಿಂದ ಡಿಕೆಶಿ ಕುಟುಂಬ ಕಣ್ಣೀರಲ್ಲಿ ದಿನ ಕಳೆಯುವಂತಾಗಿದೆ. ಅದರಲ್ಲೂ ಡಿಕೆಶಿ ತಾಯಿ ಗೌರಮ್ಮ, ದಿನ ಕಣ್ಣೀರು ಇಡ್ತಿದ್ದಾರೆ. ಇವತ್ತು ಮಾಜಿ ಸಿಎಂ ಹೆಚ್​.ಡಿ. ಕುಮಾರಸ್ವಾಮಿ ಅವರು, ಕನಕಪುರದ ಕೋಡಿಹಳ್ಳಿಗೆ ಭೇಟಿ ನೀಡಿ, ಡಿಕೆಶಿ ತಾಯಿ ಗೌರಮ್ಮ ಅವರಿಗೆ ಧೈರ್ಯ ತುಂಬಿದರು.

ಹೆಚ್​.ಡಿ.ಕುಮಾರಸ್ವಾಮಿ ಭೇಟಿ ವೇಳೆ ಕಣ್ಣೀರಿಟ್ಟ ಡಿಕೆಶಿ ತಾಯಿ ಗೌರಮ್ಮ,  ಮಗನ ಸ್ಥಿತಿಯನ್ನ ನೆನಪಿಸಿಕೊಂಡು ಭಾವುಕರಾದ್ರು, ಕಣ್ಣೀರಿಟ್ರು. ಡಿಕೆಶಿ ತಾಯಿ ಗೌರಮ್ಮ ಅವರ ಕಣ್ಣೀರು ನೋಡಿದ ಮಾಜಿ ಸಿಎಂ ಕುಮಾರಸ್ವಾಮಿ ಕೂಡ ಕೆಲ ಕಾಲ ಭಾವುರಾದ್ರು. ಇದೇ ವೇಳೆ ಮಾತ್ನಾಡಿದ ಹೆಚ್​ಡಿಕೆ, ಕಾಲಚಕ್ರ ಹೀಗೆಯೇ ಇರೋಲ್ಲ. ಬದಲಾಗುತ್ತೆ. ತಾಯಿ ಕಣ್ಣೀರ ಶಾಪ ಅವರಿಗೂ ತಟ್ಟುತ್ತೆ. ಮೋದಿ-ಅಮಿತ್​ ಶಾಗೂ ಮುಂದೆ ಇದೇ ಗತಿ ಬರುತ್ತೆ ಎಂದು ಹೆಚ್​ಡಿ ಕುಮಾರಸ್ವಾಮಿ ಭವಿಷ್ಯ ನುಡಿದ್ರು.

ಯಾವುದೇ ತಪ್ಪು ಮಾಡದೇ ಇದ್ರೂ, ದ್ವೇಷ ರಾಜಕೀಯದಿಂದ ಡಿಕೆಶಿ ಅವರನ್ನ ಬಂಧಿಸಿ, ಇಡಿ ವಶಕ್ಕೆ ಒಪ್ಪಿಸಲಾಗಿದೆ. ಬಿಜೆಪಿ ದ್ವೇಷ ರಾಜಕಾರಣ ಮಾಡ್ಕೊಂಡಿದೆ. ಉತ್ತರ ಕರ್ನಾಟಕದಲ್ಲಿ ಪ್ರವಾಹ ಇದ್ರೂ, ಯಾರೂ ಕೇರ್​ ಮಾಡ್ತಿಲ್ಲ ಅಂತ ಆಕ್ರೋಶ ಹೊರಹಾಕಿದ್ರು ಹೆಚ್​ಡಿಕೆ.