ಕಾಫಿ ಕಿಂಗ್​ ಸಿದ್ಧಾರ್ಥ್​​ ದುರಂತ ಅಂತ್ಯ : ಅವಧೂತ ವಿನಯ್ ಗುರೂಜಿ ಮೊದಲೇ ಗೊತ್ತಿತ್ತಾ..?

ಬೆಂಗಳೂರು : ಕೆಫೆ ಕಾಫಿ ಡೇ ಸಂಸ್ಥಾಪಕ, ಮಾಲೀಕ ಸಿದ್ಧಾರ್ಥ್​ ಸಾವು ಯಾರ ಊಹೆಗೂ ನಿಲುಕದ ದುರಂತ ಅನ್ನೋದ್ರಲ್ಲಿ ಎರಡು ಮಾತಿಲ್ಲ. ಆದ್ರೆ, ಕುತೂಹಲಕಾರಿ ವಿಷಯ ಅಂದ್ರೆ, ಸಿದ್ಧಾರ್ಥ್​​ಗೆ ಸಂಕಷ್ಟ ಎದುರಾಗಿದೆ ಎಂದು ಅವಧೂತ ವಿನಯ್ ಗುರೂಜಿ ಹೇಳಿದ್ದರಂತೆ.  ಹೌದು, ಚಿಕ್ಕಮಗಳೂರಿನ ಗೌರಿಗದ್ದೆಯ ವಿನಯ್ ಗುರೂಜಿ, ಸಿದ್ಧಾರ್ಥ್​​​ಗೆ ಕಂಟಕ ಕಾದಿದೆ ಎಂದು ಭವಿಷ್ಯ ನುಡಿದಿದ್ದರಂತೆ.

ಕಳೆದ ಭಾನುವಾರವಷ್ಟೇ ಚಿಕ್ಕಮಗಳೂರಿನ ಗೌರಿಗದ್ದೆ ಮಠದಲ್ಲಿ ವಿನಯ್​ ಗುರೂಜಿಯನ್ನ, ಸಿದ್ಧಾರ್ಥ್​ ಪುತ್ರ ಅಮರ್ತ್ಯ ಭೇಟಿಯಾಗಿದ್ದರಂತೆ. ಈ ವೇಳೆ, ನಿಮ್ಮ ತಂದೆಗೆ ಸಂಕಷ್ಟವಿದೆ. ನನಗೆ ಎಲ್ಲವೂ ನೀರಿನಿಂತೆ ಕಾಣುತ್ತಿದೆ ಎಂದು ವಿನಯ್ ಗುರೂಜಿ ಹೇಳಿದ್ದರಂತೆ. ಅಲ್ಲದೆ, ನೀವು ನಿಮ್ಮ ತಂದೆಯ ಜವಾಬ್ದಾರಿಯನ್ನ ವಹಿಸಿಕೊಳ್ಳಬೇಕು. ಆ ಶಕ್ತಿ ನಿಮಗೆ ದಯಪಾಲಿಸಲಿ ಎಂದು ಆಶೀರ್ವಾದ ಮಾಡಿದ್ದರಂತೆ ವಿನಯ್ ಗುರೂಜಿ.

ಸಿದ್ಧಾರ್ಥ್​ ಪುತ್ರ ಅಮರ್ತ್ಯ ಹಾಗೂ ಕುಟುಂಬದವರಿಗೆ ತಿರುಪತಿಗೆ ಹೋಗಿ ತಿಮ್ಮಪ್ಪನ ದರ್ಶನ ಪಡೆಯುವಂತೆ ವಿನಯ್ ಗುರೂಜಿ ಸಲಹೆ ನೀಡಿದ್ರು. ಆದ್ರೆ, ಇಷ್ಟೊಂದು ದೊಡ್ಡ ಮಟ್ಟದ ಪ್ರಮಾದ ಕಾದಿದೆ ಎಂದು ಕುಟುಂಬಸ್ಥರು ಊಹಿಸಿರಲಿಲ್ಲ. ಮೊದಲೇ ಗುರೂಜಿಯನ್ನ ಭೇಟಿಯಾಗಿದ್ದರೆ ಬಹುಶಃ ಆಗಬಹುದಾದ ದುರಂತ ತಪ್ಪಬಹುದಿತ್ತೇನೋ..

ಸಿದ್ಧಾರ್ಥ್​​ಗೆ 100 ರೂಪಾಯಿ ಕೊಟ್ಟಿದ್ದ ವಿನಯ್ ಗುರೂಜಿ..!

ವಿನಯ್ ಗುರೂಜಿಯನ್ನೇ ಯಾರೇ ಭೇಟಿಯಾದ್ರೂ, ಅವರಿಗೆ ಏನಾದರು ವಸ್ತು ನೀಡುವ ಅಭ್ಯಾಸ ಗುರೂಗಳಿಗೆ ಇದೆ. ಜೊತೆಗೆ ಕೆಲವೊಮ್ಮೆ ಹಣವನ್ನೂ ನೀಡ್ತಾರೆ. ಹೀಗೆ, ಕಳೆದ ಐದಾರು ತಿಂಗಳ ಹಿಂದೆ ಸಿದ್ಧಾರ್ಥ್​, ವಿನಯ್ ಗುರೂಜಿಯನ್ನ ಭೇಟಿಯಾಗಿದ್ದರಂತೆ. ಈ ವೇಳೆ, ಗುರೂಜಿ 100 ರೂಪಾಯಿಯನ್ನ ಸಿದ್ಧಾರ್ಥ್​​ಗೆ ನೀಡಿದ್ದರಂತೆ. ಆಗ, ನನಗ್ಯಾಕೆ 100 ರೂಪಾಯಿ. ಕೋಟ್ಯಂತರ ರೂಪಾಯಿ ಇದೆಯಲ್ಲ ಎಂದು ಸಿದ್ಧಾರ್ಥ್​ ಹೇಳಿದ್ದರಂತೆ. ಇದಕ್ಕೆ ಪ್ರತಿಕ್ರಿಯಿಸಿದ್ದ ವಿನಯ್ ಗುರೂಜಿ, ಇದನ್ನ ಇಟ್ಕೋ ಮುಂದಿನ ದಿನಗಳಲ್ಲಿ ನಿನಗೇ ಅರ್ಥವಾಗುತ್ತೆ ಎಂದಿದ್ದರಂತೆ.

ಅಂದ್ರೆ, ವಿನಯ್ ಗುರೂಜಿಗೆ ಸಿದ್ಧಾರ್ಥ್​ ಸಾಮ್ರಾಜ್ಯ ಪತನದ ಮುನ್ಸೂಚನೆ ಮೊದಲೇ ಸಿಕ್ಕಿತ್ತು ಎನ್ನಲಾಗಿದೆ. ಗುರೂಜಿ ಕೊಟ್ಟ ಸೂಚನೆಯನ್ನ ಪಾಲಿಸಿದ್ದೇ ಆಗಿದ್ದಲ್ಲಿ ಸಿದ್ಧಾರ್ಥ್​ ಉಳಿಯುತ್ತಿದ್ದರೇನೋ ಅನ್ನೋ ಸಣ್ಣ ಆಸೆ. ಅದೇನೇ ಆಗ್ಲಿ, 50 ಸಾವಿರ ಕುಟುಂಬಗಳಿಗೆ ಬೆಳಕಾಗಿದ್ದ ಸಿದ್ಧಾರ್ಥ್​ ಇನ್ನು ನೆನಪು ಮಾತ್ರ. ನಮ್ಮನ್ನೆಲ್ಲಾ ಸಿದ್ಧಾರ್ಥ್​ ಬಿಟ್ಟು ಹೋಗಿದ್ರೂ, ಅವರ ನೆನಪುಗಳು ಅಚ್ಚಳಿಯದೇ ಉಳಿಯಲಿವೆ..