ಕರ್ತವ್ಯ ಸಮಯದಲ್ಲಿ ಮೃತರಾದ ಅರಣ್ಯ ಇಲಾಖೆ ಸಿಬ್ಬಂದಿಗೆ ೩೦ ಲಕ್ಷ ಪರಿಹಾರ: ಸಿಎಂ

ಬೆಂಗಳೂರು: ಕರ್ತವ್ಯ ಸಮಯದಲ್ಲಿ ಅರಣ್ಯ ಸಂರಕ್ಷರು ಮೃತರಾದರೆ ಅವರ ಕುಟುಂಬಕ್ಕೂ ಪೊಲೀಸರಿಗಿರುವ ಮಾನದಂಡ ೩೦ ಲಕ್ಷ ರೂ ಪರಿಹಾರ ನೀಡುಲು ಆದೇಶಿಸುತ್ತೇನೆಂದು ಸಿಎಂ ಯಡಿಯೂರಪ್ಪ ಹೇಳಿದರು.

ಅರಣ್ಯ ಸಂರಕ್ಷಕ ಹುತಾತ್ಮರ ದಿನಾಚರಣೆ ಅಂಗವಾಗಿ ಬೆಂಗಳೂರಿನ ಕೇಂದ್ರ ಕಚೇರಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮೃತರಿಗೆಲ್ಲಾ ಶ್ರದ್ಧಾಂಜಲಿ ಸಲ್ಲಿಸಿ ಈ ಘೋಷಣೆ ಮಾಡಿದ್ದಾರೆ. ಹುತಾತ್ಮರ ಸ್ಮರಣೆ ನಮ್ಮ ಆದ್ಯ ಕರ್ತವ್ಯ, ವೇದಗಳಲ್ಲೂ ಕಾಡಿನ ಸಂರಕ್ಷಣೆ ಉಲ್ಲೇಖವಿದೆ, ಪ್ರಾಣತ್ಯಾಗ ಮಾಡಿರುವಂತಹ ಎಲ್ಲಾ ಅಧಿಕಾರಿಗಳು ಹಾಗೂ ಸಿಬ್ಬಂದಿಗಳ ಹೆಸರು ಚಿರಸ್ಥಾಯಿಯಾಗಲಿ ಎಂದರು.