ಒಂದು ಸಿನಿಮಾಗೆ 54 ಕೋಟಿ ರೂ. ಸಂಭಾವನೆ ಪಡೆಯುತ್ತಾರಾ ಅಕ್ಷಯ್​ ಕುಮಾರ್​..?

ಮುಂಬೈ : ಬ್ಯಾಕ್​ ಟು ಬ್ಯಾಕ್​ ಹಿಟ್​ ಸಿನಿಮಾಗಳನ್ನ ನೀಡ್ತಿರೋ ಬಾಲಿವುಡ್​ ನಟ ಅಕ್ಷಯ್ ಕುಮಾರ್ ತಮ್ಮ ಸಂಭಾವನೆಯನ್ನ ದುಪ್ಪಟ್ಟು ಮಾಡಿದ್ದಾರಂತೆ. 2012ರಲ್ಲಿ ತೆರೆಕಂಡಿದ್ದ ರೌಡಿ ರಾಥೋಡ್​​ ಸಿನಿಮಾಗೆ ಅಕ್ಷಯ್ ತೆಗೆದುಕೊಂಡಿದ್ದ ಸಂಭಾವನೆ 27 ಕೋಟಿ ರೂಪಾಯಿ. ಆದ್ರೀಗ ಅಕ್ಷಯ್ ಕುಮಾರ್ ಒಂದು ಸಿನಿಮಾಗೆ 54 ಕೋಟಿ ರೂಪಾಯಿ ಚಾರ್ಜ್​ ಮಾಡ್ತಿದ್ದಾರಂತೆ.

ಸಾಕಷ್ಟು ಹಿಟ್​ ಸಿನಿಮಾಗಳ ಜೊತೆ ಮತ್ತಷ್ಟು ಸಿನಿಮಾಗಳಲ್ಲಿ ಬ್ಯುಸಿಯಾಗಿರೋ ಅಕ್ಷಯ್​, ಒಂದು ಸಿನಿಮಾಗೆ 54 ಕೋಟಿ ರೂಪಾಯಿ ತೆಗೆದುಕೊಳ್ತಿದ್ದಾರೆ. ಮುಂದಿನ ಸಿನಿಮಾ ಸಂಜಯ್ ಲೀಲಾ ಬನ್ಸಾಲಿ ಬ್ಯಾನರ್​ನಲ್ಲಿ ಮಾಡಲಿದ್ದಾರೆ. ಈ ಹಿಂದೆ ರೌಡಿ ರಾಥೋಡ್ ಸಿನಿಮಾಗೆ 27 ಕೋಟಿ ತೆಗೆದುಕೊಂಡಿದ್ದ ಅಕ್ಷಯ್​, ತನ್ನ ಸಂಭಾವನೆಯನ್ನ 54 ಕೋಟಿ ಮಾಡಿರೋದು ಸಾಕಷ್ಟು ಅಚ್ಚರಿಗೆ ಕಾರಣವಾಗಿದೆಯಂತೆ.

ಅಕ್ಷಯ್ ಕುಮಾರ್ ಅಭಿನಯದ ಮಿಷನ್ ಮಂಗಲ್​ ಬಿಡುಗಡೆಗೆ ಸಿದ್ಧವಾಗಿದೆ. ಇದರ ಜೊತೆ ಹೌಸ್​ಫುಲ್​ 4, ರಾಜ್​ ಮೆಹ್ತಾ ಅವರ ಗುಡ್​ ನ್ಯೂಸ್​, ರಾಘವ್​ ನಿರ್ದೇಶನದ ಲಕ್ಷ್ಮೀ ಬಾಂಬ್​ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಈ ಎಲ್ಲಾ ಸಿನಿಮಾಗಳು ಕಂಪ್ಲೀಟ್​ ಆದ್ಮೇಲೆ, ಸಂಜಯ್ ಲೀಲಾ ಬನ್ಸಾಲಿ ಬ್ಯಾನರ್​ನಲ್ಲಿ ಅಕ್ಷಯ್ ನಟಿಸಲಿದ್ದಾರೆ.