ಐತಿಹಾಸಿಕ ಸಾಧನೆ ಮಾಡಿದ PV ಸಿಂಧು : ವಿಶ್ವ ಬ್ಯಾಡ್ಮಿಂಟನ್​​ ಗೆದ್ದ ಮೊದಲ ಭಾರತೀಯ ತಾರೆ

ಬಾಸೆಲ್​ : ಭಾರತದ ನಂಬರ್ ಒನ್​ ಬ್ಯಾಡ್ಮಿಂಟನ್ ತಾರೆ ಪಿ.ವಿ. ಸಿಂಧು, ಮತ್ತೊಂದು ಐತಿಹಾಸಿಕ ಸಾಧನೆ ಮಾಡಿದ್ದಾರೆ. ಬಾಸೆಲ್​​ನಲ್ಲಿ ನಡೆದ ವಿಶ್ವ ಬ್ಯಾಡ್ಮಿಂಟನ್​ ಟೂರ್ನಿಯ ಫೈನಲ್​​ನಲ್ಲಿ ಗೆಲ್ಲುವ ಮೂಲಕ, ಹೊಸ ಇತಿಹಾಸ ಸೃಷ್ಟಿಸಿದ್ದಾರೆ ಪಿ.ವಿ. ಸಿಂಧು.

ಇದುವರೆಗೆ ಯಾವ ಭಾರತೀಯ ಆಟಗಾರ್ತಿ ಮಾಡದ ಸಾಧನೆ ಮಾಡುವ ಮೂಲಕ, ವಿಶ್ವ ಬ್ಯಾಡ್ಮಿಂಟನ್​​ನಲ್ಲಿ ರಾಣಿಯಾಗಿ ಹೊರಹೊಮ್ಮಿದ್ದಾರೆ. ಇವತ್ತು ಫೈನಲ್​ ಪಂದ್ಯದಲ್ಲಿ ಜಪಾನ್​ನ ನೋಜೊಮಿ ಓಕುಹರಾ ವಿರುದ್ಧ 21-7, 21-7 ಭಾರೀ ಅಂತರದಿಂದ ಮಣಿಸುವ ಮೂಲಕ, ಸಿಂಧು ಹೊಸ ಇತಿಹಾರ ಸೃಷ್ಟಿಸಿದರು.

ವಿಶೇಷ ಅಂದ್ರೆ, 2017ರಲ್ಲಿ ಇದೇ ಓಕುಹರಾ, ಸಿಂಧು ವಿರುದ್ಧ ಫೈನಲ್​​ನಲ್ಲಿ ಗೆದ್ದು ಪ್ರಶಸ್ತಿ ತನ್ನದಾಗಿಸಿಕೊಂಡಿದ್ರು. ಇದೀಗ ಓಕುಹರಾ ವಿರುದ್ಧ ಗೆಲ್ಲುವ ಮೂಲಕ ಸಿಂಧು, ಸೇಡು ತೀರಿಸಿಕೊಂಡಿದ್ದಾರೆ. ಈ ಮೂಲಕ ಕೋಟ್ಯಂತರ ಅಭಿಮಾನಿಗಳ ಹೃದಯ ಗೆದ್ದಿದ್ದಾರೆ.

ಸಿಂಧು ಸಾಧನೆಗೆ ಪ್ರಧಾನಿ ಮೋದಿ ಶಹಬ್ಬಾಸ್​ಗಿರಿ..!

ಪಿ.ವಿ. ಸಿಂಧು ಮಾಡಿರೋ ಐತಿಹಾಸಿಕ ಸಾಧನೆಯನ್ನ ಪ್ರಧಾನಿ ನರೇಂದ್ರ ಮೋದಿ ಕೊಂಡಾಡಿದ್ದಾರೆ. ಪಿ.ವಿ. ಸಿಂಧು, ಭಾರತದ ಹೆಮ್ಮೆ. ಪಿ.ವಿ. ಸಿಂಧು ಸಾಧನೆಗೆ ಅಭಿನಂದನೆಗಳು ಎಂದು ಮೋದಿ ಟ್ವೀಟ್​ ಮಾಡಿದ್ದಾರೆ. ಸಿಂಧು ಅವರ ಸಾಧನೆ ಇತರೆ ಆಟಗಾರರಿಗೆ, ಎಲ್ಲ ವರ್ಗ ಹಾಗೂ ಜನರೇಷನ್​​ಗೆ ಸ್ಫೂರ್ತಿ ಆಗಲಿ ಎಂದು ಕೊಂಡಾಡಿದ್ದಾರೆ.