ಎದೆ ಬಗೆದರೂ ಸಿದ್ದರಾಮಯ್ಯ ಇದ್ರು.. ಈಗಿಲ್ಲ..! ನಮ್ಮ ಎದೆಯಲ್ಲಿ ಇರೋದು ಮತದಾರರು : MTB ನಾಗರಾಜ್​

ಬೆಂಗಳೂರು : ಅನರ್ಹ ಶಾಸಕರ ಸ್ಥಿತಿ ಏನು ಅನ್ನೋದು ಸದ್ಯಕ್ಕೆ ಯಾರಿಗೂ ಗೊತ್ತಿಲ್ಲ. ಹೀಗಾಗಿಯೇ ಮುಂದೇನು ಮಾಡ್ಬೇಕು ಅಂತ ಚರ್ಚಿಸೋಕೆ ಇವತ್ತು ಡಾ.ಸುಧಾಕರ್ ಮನೆಗೆ ಅನರ್ಹ ಶಾಸಕರೆಲ್ಲಾ ಬಂದು ಸೇರಿದ್ರು. ಸಭೆ ಬಳಿಕ ಮಾತ್ನಾಡಿದ ಅನರ್ಹ ಶಾಸಕ, ಹೊಸಕೋಟೆಯ ಎಂಟಿಬಿ ನಾಗರಾಜ್​, ಮೊದಲು ನಮ್ಮ ಎದೆಯಲ್ಲಿ ಸಿದ್ದರಾಮಯ್ಯನವರೇ ತುಂಬಿಕೊಂಡಿದ್ರು. ಈಗ ಅವರಿಲ್ಲ. ನಮ್ಮ ಎದೆಯಲ್ಲಿ ನಮ್ಮ ಕ್ಷೇತ್ರದ ಮತದಾರರು ಮಾತ್ರ ಇದ್ದಾರೆ. ಯಡಿಯೂರಪ್ಪನೂ ಇಲ್ಲ, ಬೇರೆ ಯಾರೂ ಇಲ್ಲ ಎಂದ ಎಂಟಿಬಿ ನಾಗರಾಜ್​ ಹೇಳಿದ್ದಾರೆ.

ಡಾ.ಸುಧಾಕರ್ ನಿವಾಸದಲ್ಲಿನ ಸಭೆ ಬಳಿಕ ಮಾತ್ನಾಡಿದ ಎಂಟಿಬಿ ನಾಗರಾಜ್​, ಇವತ್ತಿನ ಸಭೆಯಲ್ಲಿ ಏನೂ ಚರ್ಚೆ ಮಾಡಿಲ್ಲ. ಸುಧಾಕರ್ ಮನೆಗೆ ಬಂದು, ಟಿಫನ್​ ಮಾಡಿದ್ವಿ ಅಷ್ಟೇ ಅಂದ್ರು. ಇದೇ ವೇಳೆ, ಬಿಜೆಪಿ ನಾಯಕರ ಮೇಲೆ ನಮಗೆ ಕೋಪವಿಲ್ಲ. ನಮ್ಮ ಕೇಸ್​, ನ್ಯಾಯಾಲಯದಲ್ಲಿದೆ ಎಂದರು.

ಜೊತೆಗೆ ಬಿಜೆಪಿ ನಾಯಕರ ವಿರುದ್ಧ ಸದ್ಯಕ್ಕೆ ಅಸಮಾಧಾನವಿಲ್ಲ. ಮುಂದೆ ಸಂದರ್ಭ ಬಂದಾಗ ನೋಡೋಣ ಎಂದು, ಬಿಜೆಪಿ ನಾಯಕರಿಗೂ ಎಚ್ಚರಿಕೆ ಸಂದೇಶ ರವಾನಿಸಿದ್ರು ಎಂಟಿಬಿ.