ರೈಸಿಂಗ್ ಕನ್ನಡ : ಇತ್ತೀಚೆಗೆ ಮಕ್ಕಳ ಸಂಖ್ಯೆ ಕಡಿಮೆ ಆಗ್ತಿದೆ. ಮಕ್ಕಳನ್ನು ಮಾಡಿಕೊಳ್ಳುವವರ ಸಂಖ್ಯೆಯೂ ಕಡಿಮೆ ಆಗ್ತಿದೆ. ಅಲ್ಲದೆ, ಮಕ್ಕಳು ಬೇಕು ಅಂತ ಪರಿತಪಿಸೋವ್ರ ಸಂಖ್ಯೆ ಜಾಸ್ತಿ ಆಗ್ತಿದ್ರೂ, ಮಕ್ಕಳು ಆಗ್ತಿಲ್ಲ. ಇದೆಲ್ಲಾ ವಾತಾವರಣ ಬದಲಾವಣೆಯ ಪ್ರತಿಫಲ. ಇದಕ್ಕೆ ನಾವೆಲ್ಲರೂ ಹೊಣೆ. ವಿಚಿತ್ರ ಅಂದ್ರೆ, ಇನ್ಮುಂದೆ ಹುಟ್ಟುವ ಮಕ್ಕಳು ತಮ್ಮ ಜೀವನ ಪೂರ್ತಿ ಆರೋಗ್ಯ ಸಮಸ್ಯೆಯನ್ನ ಎದುರಿಸಬೇಕಾಗುತ್ತೆ ಎಂದು ಸಂಶೋಧನಾ ವರದಿ ಹೇಳಿದೆ.
ವಿಷಯ ಏನಪ್ಪ ಅಂದ್ರೆ, ದಿನೇ ದಿನೇ ಜಾಗತಿಕ ತಾಪಮಾನ ಏರಿಕೆ ಆಗ್ತಿದೆ. ಪರಿಸ್ಥಿತಿ ಹೀಗೆ ಮುಂದುವರಿದ್ರೆ, ಇನ್ಮುಂದೆ ಹುಟ್ಟುವ ಮಕ್ಕಳು ತಮ್ಮ ಜೀವನ ಪರ್ಯಂತ ಆರೋಗ್ಯ ಸಮಸ್ಯೆಯಿಂದ ಬಳಲುವಂತೆ ಆಗುತ್ತಂತೆ. ಆ ಮಕ್ಕಳು ತಮ್ಮ 71ನೇ ವಯಸ್ಸಿನ ವೇಳೆಗೆ ಇಡೀ ಜಗತ್ತಿನ ತಾಪಮಾನ ಸರಾಸರಿ 4 ಡಿಗ್ರಿ ಸೆಲ್ಷಿಯಸ್ನಷ್ಟು ಏರಿಕೆ ಆಗಲಿ ಎಂದು ಮೆಡಿಕಲ್ ಜರ್ನಲ್ ವರದಿ ಮಾಡಿದೆ.
2017ರಲ್ಲಿ ಒಂದೇ ವರ್ಷ ಇಡೀ ವಿಶ್ವದಲ್ಲಿ ಬರೋಬ್ಬರಿ 29 ಲಕ್ಷ ಮಂದಿ ಮೃತಪಟ್ಟಿದ್ದರು. ಅದಕ್ಕೆ ಕಾರಣ ಅನಾರೋಗ್ಯ ಅನ್ನೋದು ಬಹಿರಂಗವಾಗಿದೆ. ವಿಷಕಾರಿ ಅನಿಲ, ಗಾಳಿಯಿಂದಾಗಿ ಹೃದಯ, ಶ್ವಾಸಕೋಶ ಸಮಸ್ಯೆಯಿಂದ 29 ಲಕ್ಷ ಜನ ಮೃತಪಟ್ಟಿದ್ದರು ಎಂಬುದು ಬಹಿರಂಗವಾಗಿದೆ.
ಇದರ ಜೊತೆ ಇನ್ಮುಂದೆ ಎಲ್ಲಡೆ ಚಂಡಮಾರುತ, ಪ್ರವಾಹ ಹಾಗೂ ಕಾಳ್ಗಿಚ್ಚು ಹೆಚ್ಚಾಗಿ ಇರುತ್ತಂತೆ. ಇದೆಲ್ಲದಕ್ಕೂ ಹವಾಮಾನ ಬದಲಾವಣೆ ಕಾರಣ. ಇಷ್ಟೇ ಅಲ್ಲದೆ, ಆಹಾರವೇ ದೊರೆಯದೆ, ಜನ ಅಪೌಷ್ಠಿಕತೆಯಿಂದ ಸಾವನ್ನಪ್ತಾರೆ. ಬೆಳೆ ಬೆಳೆಯುವುದು ಕಡಿಮೆಯಾಗಿ, ಆಹಾರ ಕೊರತೆ ಉಂಟಾಗುತ್ತೆ. ಇದರಿಂದ ಆಹಾರ ಉತ್ಪನ್ನಗಳ ಬೆಲೆ ಗಗನಕ್ಕೇರುತ್ತೆ. ಶ್ರೀಮಂಗರೇನೋ, ಹಣ ಕೊಟ್ಟು ಖರೀದಿ ಮಾಡ್ತಾರೆ. ಆದ್ರೆ, ಬಡವರ ಸ್ಥಿತಿ ಶೋಚನೀಯವಾಗಿ, ಮಕ್ಕಳ ಬೆಳವಣಿಗೆ ಕುಂಠಿತವಾಗಿ, ರೋಗ ನಿರೋಧಕ ಶಕ್ತಿಯೇ ಕಳೆದುಕೊಳ್ತಾರೆ.
ಜಾಗತಿಕ ತಾಪಮಾನದಿಂದ ಸುಮಾರು 600 ಕೋಟಿ ಜನ ಸಮಸ್ಯೆಗೆ ತುತ್ತಾಗ್ತಾರೆ. ಈ ಹಿಂದೆ ಜಾಗತಿಕ ತಾಪಮಾನ ಕಡಿಮೆ ಮಾಡುವ ಸಲುವಾಗಿ ಪ್ಯಾರಿಸ್ ಒಪ್ಪಂದ ಆಗಿತ್ತು. ಆದ್ರೆ, ಅಮೆರಿಕ ಈ ಒಪ್ಪಂದದಿಂದ ಹೊರ ಬಂದಿದೆ. ಇದರಿಂದಾಗಿ ಈ ಒಪ್ಪಂದದ ಆಶಯಕ್ಕೆ ಧಕ್ಕೆಯಾಗಿದೆ. ಇದರಂತೆ ತಾಪಮಾನ ಏರಿಕೆಯನ್ನು 2 ಡಿಗ್ರಿ ಸೆಲ್ಷಿಯಸ್ನಷ್ಟು ಕಡಿಮೆ ಮಾಡಬೇಕಿದೆ. ಇದಕ್ಕಾಗಿ ಎಲ್ಲಾ ರಾಷ್ಟ್ರಗಳು ಶ್ರಮ ಪಡಬೇಕು. ಇಲ್ಲದೇ ಹೋದ್ರೆ, ಮುಂದಿನ ದಿನಗಳಲ್ಲಿ ಭಯಾನಕತೆಯನ್ನ ಎದುರಿಸಬೇಕಾಗುತ್ತೆ.
