ಇಂದು & ನಾಳೆ ಕಲರ್ಸ್​​ ಸೂಪರ್​​​ನಲ್ಲಿ ಕನ್ನಡ ಕೋಗಿಲೆ ಫೈನಲ್​

ಬೆಂಗಳೂರು : ಕೋಟ್ಯಂತರ ಕನ್ನಡಿಗರ ಮನಗೆದ್ದಿರೋ ಕಲರ್ಸ್​ ಸೂಪರ್​​ ವಾಹಿನಿಯ ಕನ್ನಡ ಕೋಗಿಲೆ ಫೈನಲ್​ ಇವತ್ತು ಹಾಗೂ ನಾಳೆ ಪ್ರಸಾರವಾಗಲಿದೆ. ಕನ್ನಡ ಕೋಗಿಲೆ ರಿಯಾಲಿಟಿ ಶೋ ಆಗಿದ್ದು, ಇವತ್ತು ಮತ್ತು ನಾಳೆ ಅಂತಿಮ ವಿನ್ನರ್​ಗಳನ್ನ ಘೋಷಣೆ ಮಾಡಲಿದ್ದಾರೆ. ಇದು ಸೀಸನ್​ 2 ಆಗಿದ್ದು, ಮೊದಲ ಸೀಸನ್​​ನಂತೆಯೇ ಇದು ಕೂಡ ಸೂಪರ್ ಹಿಟ್​ ಆಗಿದೆ.

ಇಂದು ಮತ್ತು ನಾಳೆ ರಾತ್ರಿ 8 ಗಂಟೆಗೆ ಕಲರ್ಸ್​ ಸೂಪರ್​ನಲ್ಲಿ ಕನ್ನಡ ಕೋಗಿಲೆ ಕಾರ್ಯಕ್ರಮ ಪ್ರಸಾರವಾಗಲಿದೆ. ಮೈಸೂರಿನ ಆಲಾಪ್​, ಕೊಪ್ಪಳದ 7 ವರ್ಷದ ಅರ್ಜುನ್ ಇಟಗಿ, ಉಡುಪಿಯ ಕಲಾವತಿ ದಯಾನಂದ್​, ಹಾವೇರಿಯ ಖಾಸಿಂ, ಬೆಂಗಳೂರಿನ ನೀತು ಸುಬ್ರಹ್ಮಣ್ಯಂ, ಶಿವಮೊಗ್ಗದ ಪಾರ್ಥ ಫೈನಲ್​ ರೌಂಡ್​​ನಲ್ಲಿ ಇದ್ದಾರೆ. ಫೈನಲ್ ಕಿರೀಟಕ್ಕಾಗಿ ಇವರ ಮಧ್ಯೆ ಹಾಡುಗಳ ಪೈಪೋಟಿ ನಡೆಯಲಿದೆ.

ಒಟ್ಟು ಆರು ಸ್ಪರ್ಧಿಗಳು ಫೈನಲ್​ನಲ್ಲಿ ಉಳಿದಿದ್ದು, ಇವರಲ್ಲಿ ಯಾರಿಗೆ ಫೈನಲ್ ಕಿರೀಟ ಹೋಗುತ್ತೆ ಅನ್ನೋದು ಕುತೂಹಲ ಮೂಡಿಸಿದೆ. ಸಾಧು ಕೋಕಿಲ, ಅರ್ಚನಾ ಉಡುಪ ಮತ್ತು ಚಂದನ್ ಶೆಟ್ಟಿ, ಈ ರಿಯಾಲಿಟಿ ಶೋನ ತೀರ್ಪುಗಾರರು. ಭಾನುವಾರ ರಾತ್ರಿ ಅಂದ್ರೆ, ನಾಳೆ ರಾತ್ರಿ ವಿನ್ನರ್ ಯಾರು ಅನ್ನೋದು ಗೊತ್ತಾಗಲಿದೆ.