ಆರ್.ಅಶೋಕ್​​ ಸಾಮ್ರಾಜ್ಯ ಪತನ..! ಬೆಂಗಳೂರು ನಾಯಕತ್ವ ಹೋಯ್ತು.. ಏನ್ಮಾಡೋದು..?

ಬೆಂಗಳೂರು : ಆರ್​.ಅಶೋಕ್​ ಅವರನ್ನ ಸಾಮ್ರಾಟ್​ ಅಶೋಕ್​ ಅಂತಲೇ ಬೆಂಗಳೂರಿನ ನಾಯಕರು, ಕಾರ್ಯಕರ್ತರು ಕರೀತಾರೆ. ಇನ್ಮುಂದೆ, ಬಹುಶಃ ಆ ರೀತಿ ಸಾಮ್ರಾಟ್​ ಅಶೋಕ್​ ಅಂತ ಕರೆಯೋಕೆ ಆಗಲ್ವೇನೋ ಅನ್ಸುತ್ತೆ. ಯಾಕಂದ್ರೆ, ಇನ್ಮುಂದೆ ಡಾ.ಅಶ್ವತ್ಥ ನಾರಾಯಣ ಬೆಂಗಳೂರಿನ ಸಾಮ್ರಾಜ್ಯಕ್ಕೆ ಸಾಮ್ರಾಟರಾಗೋದ್ರಲ್ಲಿ ಅನುಮಾನವೇ ಇಲ್ಲ.

ಯೆಸ್, ಬಿಜೆಪಿಯ ಒಕ್ಕಲಿಗರಲ್ಲಿ ಪ್ರಭಾವಿ ನಾಯಕ ಅಂದ್ರೆ, ಅದು ಆರ್. ಅಶೋಕ್​. ಆದ್ರೆ, ಇನ್ಮುಂದೆ ಆ ಟ್ರೇಡ್​ ಮಾರ್ಕ್​ ಇರೋದಿಲ್ಲ. ಜೊತೆಗೆ ಬೆಂಗಳೂರಿನಲ್ಲಿ ಬಿಜೆಪಿಯ ಯಾವುದೇ ಕೆಲಸ ಆಗ್ಬೇಕಂದ್ರು, ಅದು ಅಶೋಕ್​ಗೆ ಗೊತ್ತಿಲ್ಲದೇ ಆಗುತ್ತಿರಲಿಲ್ಲ. ಇನ್ಮುಂದೆ, ಅದ್ಯಾವುದಕ್ಕೂ ಅಸ್ಪದವೇ ಇರೋಲ್ಲ. ಯಾಕಂದ್ರೆ, ಮಲ್ಲೇಶ್ವರಂ ಶಾಸಕ, ಸಚಿವ, ಉಪ ಮುಖ್ಯಮಂತ್ರಿ ಡಾ.ಅಶ್ವತ್ಥ ನಾರಾಯಣ ಇನ್ಮುಂದೆ ಬೆಂಗಳೂರು ಸಾಮ್ರಾಟ.

ಅಶ್ವತ್ಥ ನಾರಾಯಣ ಯಾವಾಗ ಮಂತ್ರಿಯಾದ್ರೋ, ಆಗಲೇ ಅಶೋಕ್​ ಪವರ್ ಕೊಂಚ ಕಟ್​ ಆಗಿತ್ತು. ಆದ್ರೀಗ, ಅಶ್ವತ್ಥ ನಾರಾಯಣ ಡಿಸಿಎಂ ಆಗ್ತಿದ್ದಂತೆ, ಅಶೋಕ್​ ಪವರ್ ಫುಲ್​ ಕಟ್​ ಆದಂತೆ ಆಗಿದೆ. ಅಶ್ವತ್ಥ ನಾರಾಯಣ ಕೂಡ ಒಕ್ಕಲಿಗರು ಅನ್ನೋದು ಮತ್ತೊಂದು ಕಾರಣ. ಜೊತೆಗೆ ಬೆಂಗಳೂರಿನ ಶಾಸಕರು, ಕಾರ್ಪೋರೇಟರ್​​ಗಳು ಇನ್ಮುಂದೆ ಅಶೋಕ್​ ಮಾತನ್ನ ಕೇಳೋ ಅಗತ್ಯವೇ ಇರಲ್ಲ. ಕೇಂದ್ರದಲ್ಲಿ ಸಂತೋಷ್​ ಸ್ಟ್ರಾಂಗ್ ಆಗಿ ಇರೋದ್ರಿಂದ, ಇಲ್ಲಿ ಅಶ್ವತ್ಥ ನಾರಾಯಣ ಮಾತು ನಡೆಯುತ್ತೆ. ಸೋ, ಬೆಂಗಳೂರಿನ ನಾಯಕರಿಗೆ ಇನ್ಮುಂದೆ, ಅಶ್ವತ್ಥ ನಾರಾಯಣ ಅವರೇ ಬಾಸ್​.

ಆಕ್ರೋಶ.. ಸಿಟ್ಟು ಹೊರ ಹಾಕಿದ್ರಾ ಅಶೋಕ್​..?

ಸಚಿವ ಸ್ಥಾನ ಸಿಕ್ಕರೂ, ಡಿಸಿಎಂ ಸ್ಥಾನ ಸಿಗಲಿಲ್ಲ. ಇದ್ರಿಂದ ಸಹಜವಾಗಿಯೇ ಆಕ್ರೋಶ, ಅಸಮಾಧಾನ ಹೊರ ಹಾಕಿರೋ ಅಶೋಕ್​, ಸರ್ಕಾರಿ ವಾಹನವನ್ನ ವಾಪಸ್ ಕಳಿಸಿದ್ದಾರೆ. ಆದ್ರೆ, ಎಲ್ಲವೂ ಮುಗಿದು ಹೋಗಿದೆ. ಈಗ ಚಿಂತಿಸಿ ಯಾವುದೇ ಲಾಭವಿಲ್ಲ. ಹೈಕಮಾಂಡ್ ನಿರ್ಧಾರ ಮಾಡಿ ಆಗಿದ್ದು, ಇನ್ಮುಂದೆ ಕೆಮ್ಮಂಗಿಲ್ಲ ಅನ್ನೋ ಚರ್ಚೆ ಬಿಜೆಪಿ ನಾಯಕರಲ್ಲಿ ಕೇಳಿ ಬರ್ತಿದೆ. ಪಾಪ, ಅಶೋಕ್​ ಸಾಮ್ರಾಜ್ಯ ಕಳೆದುಕೊಂಡ ನೋವು ತುಂಬಾನೇ ಕಾಡಿದಂತಿದೆ..