ಆರ್​ ಅಶೋಕ್​ ನನಗೆ ಹಿರಿಯಣ್ಣ : ಶೀತಲ ಸಮರಕ್ಕೆ ಡಿಸಿಎಂ ಅಶ್ವತ್ಥ್ ನಾರಾಯಣ ಹೇಳಿದ್ದೇನು.?

ಹಾಸನ : ಕಂದಾಯ ಸಚಿವ ಆರ್.ಅಶೋಕ್​ ಹಾಗೂ ಡಿಸಿಎಂ ಅಶ್ವತ್ಥ್ ನಾರಾಯಣ ಮಧ್ಯೆ ಮುನಿಸಿದೆ ಅನ್ನೋ ವಿಚಾರವಾಗಿ ಡಿಸಿಎಂ ಅಶ್ವತ್ಥ್ ನಾರಾಯಣ ಸ್ಪಷ್ಟನೆ ನೀಡಿದ್ದಾರೆ. ಹಾಸನದಲ್ಲಿ ಮಾತ್ನಾಡಿದ ಡಿಸಿಎಂ ಅಶ್ವತ್ಥ್ ನಾರಾಯಣ, ನನ್ನ ಹಾಗೂ ಆರ್.ಅಶೋಕ್ ನಡುವೆ ಭಿನ್ನಾಭಿಪ್ರಾಯ ಇಲ್ಲ. ಅವರು ನನ್ನ ಹಿರಿಯಣ್ಣ ಇದ್ದ ಹಾಗೆ. ಇದೆಲ್ಲಾ ಮಾಧ್ಯಮಗಳ ಸೃಷ್ಟಿ ಅಂತ ಡಿಸಿಎಂ ಅಶ್ವತ್ಥ ನಾರಾಯಣ ಸ್ಪಷ್ಟನೆ ನೀಡಿದ್ರು.

ಇದೇ ವೇಳೆ, ಮಧ್ಯಂತರ ಚುನಾವಣೆ ಅನ್ನೋದು ಪ್ರತಿಪಕ್ಷಗಳ ಭ್ರಮ ಎಂದ ಅವರು, ನಮ್ಮ ಸರ್ಕಾರ ಸುಭದ್ರವಾಗಿದೆ. ನಾವು 5 ವರ್ಷ ಪೂರೈಸ್ತೇವೆ ಎಂದು ಭರವಸೆ ವ್ಯಕ್ತಪಡಿಸಿದ್ರು. ಮಧ್ಯಂತರ ಚುನಾವಣೆ ಬರೋದಿಲ್ಲ ಎಂದ ಅವರು, ಕಾಂಗ್ರೆಸ್​​ ನವರು ಚುನಾವಣೆ ಹೆದರಿಸಲು ಮುಂದಾಗಲ್ಲ, ಬಿಜೆಪಿಯೂ ಚುನಾವಣೆ ನಡೆಸಲು ಸಿದ್ಧರಿಲ್ಲ ಎಂದರು.

ಹಾಸನ ಜಿಲ್ಲೆ ಚನ್ನರಾಯಪಟ್ಟಣದ ಸಾಯಿಬಾಬಾ ಮಂದಿರಕ್ಕೆ ಭೇಟಿ ನೀಡಿದ ಬಗ್ಗೆ ಮಾತ್ನಾಡಿದ ಅಶ್ವತ್ಥ ನಾರಾಯಣ, ಚುನಾವಣೆ ಸಂದರ್ಭದಲ್ಲಿ ಹರಕೆ ಹೊತ್ತುಕೊಂಡಿದ್ದೆ, ಈಗ ತೀರಿಸಲು ಬಂದಿದ್ದೇನೆ ಅಂದ್ರು.