ಆಗಸ್ಟ್​ 15ಕ್ಕೆ ಕಾಶ್ಮೀರದಲ್ಲಿ ಧ್ವಜಾರೋಹಣ ಮಾಡ್ತಾರಾ ಪ್ರಧಾನಿ ಮೋದಿ..?

ಜಮ್ಮು-ಕಾಶ್ಮೀರದಲ್ಲಿ 38 ಸಾವಿರ ಸೈನಿಕರ ನಿಯೋಜನೆ ಯಾಕೆ..?

ದೆಹಲಿಯ ಲಾಲ್​​​ಕಿಲಾ ಬದಲು ಕಾಶ್ಮೀರದ ಲಾಲ್​ಚೌಕ್​​ನಲ್ಲಿ ಧ್ವಜಾರೋಹಣ..?

ನವದೆಹಲಿ : ಹೀಗೊಂದು ಚಿಂತನೆ, ಆಲೋಚನೆ ಬರೋಕೆ ಕಾರಣ, ಕೇಂದ್ರ ಸರ್ಕಾರ 38 ಸಾವಿರ ಸೈನಿಕರನ್ನ ಜಮ್ಮು-ಕಾಶ್ಮೀರದಲ್ಲಿ ನಿಯೋಜಿಸಿದೆ. ಇದರಿಂದಾಗಿ ಪ್ರಧಾನಿ ನರೇಂದ್ರ ಮೋದಿ ಈ ಬಾರಿ ಕಾಶ್ಮೀರದಲ್ಲಿ ಧ್ವಜಾರೋಹಣ ಮಾಡ್ತಾರೆ ಅನ್ನೋ ಸುದ್ದಿ ಪ್ರಬಲವಾಗಿ ಹಬ್ಬಿದೆ. ಮತ್ತೊಂದೆಡೆ ಸಂವಿಧಾನದ 35ಎ ಹಾಗೂ 370ನೇ ವಿಧಿಯನ್ನು ರದ್ದುಗೊಳಿಸುವ ಹಿನ್ನೆಲೆಯಲ್ಲಿ ಬಿಗಿ ಬಂದೋಬಸ್ತ್​ ಮಾಡಲಾಗಿದೆ ಎಂಬ ಮಾತುಗಳು, ಚರ್ಚೆ ಕೂಡ ನಡೀತಿದೆ. ಆದ್ರೆ, ಇದೆಲ್ಲದಕ್ಕಿಂತ ಹೆಚ್ಚು ಚರ್ಚೆ ಆಗ್ತಿರೋ ವಿಷಯ, ಕಾಶ್ಮೀರದಲ್ಲಿ ಧ್ವಜಾರೋಹಣ.

ಈವರೆಗೆ ಸ್ವಾತಂತ್ರ್ಯೋತ್ಸವ ದಿನ ದೆಹಲಿಯ ಲಾಲ್​ಕಿಲಾದಲ್ಲಿ ಪ್ರಧಾನಿ ಯಾರು ಇರ್ತಾರೋ ಅವ್ರು ಧ್ವಜಾರೋಹಣ ಮಾಡ್ತಿದ್ರು. ಆ ಸಂಪ್ರದಾಯಕ್ಕೆ ತೀಲಾಂಜಲಿ ಇಡಲು ಪ್ರಧಾನಿ ನರೇಂದ್ರ ಮೋದಿ ಮುಂದಾಗಿದ್ದಾರೆ ಎನ್ನಲಾಗಿದೆ. ಈಗಾಗಲೇ ಹಲವು ಅನಿರೀಕ್ಷಿತ ನಿರ್ಧಾರಗಳು, ಬೆಳವಣಿಗೆಗಳಿಂದ ಇಡೀ ದೇಶದ ಗಮನ ಸೆಳೆದಿರೋ ಪ್ರಧಾನಿ ಮೋದಿ, ಈ ರೀತಿಯ ಹೊಸ ನಿರ್ಧಾರ ಕೈಗೊಂಡರು ಅಚ್ಚರಿ ಇಲ್ಲ ಎನ್ನಲಾಗ್ತಿದೆ.

ಕಾಶ್ಮೀರದಲ್ಲಿ ಧ್ವಜಾರೋಹಣ ಮಾಡಿ, ಅಲ್ಲಿಂದ ದೇಶವನ್ನ ಉದ್ದೇಶಿಸಿ ಪ್ರಧಾನಿ ನರೇಂದ್ರ ಮೋದಿ ಮಾತ್ನಾಡಿದ್ರೆ, ಪಾಕಿಸ್ತಾನಕ್ಕೆ ಖಡಕ್​​ ಸಂದೇಶ ನೀಡಿದಂತೆ ಆಗುತ್ತೆ. ಅಲ್ಲದೆ, ಭಯೋತ್ಪಾದನೆ ವಿರುದ್ಧ ಭಾರತ ಸಮರ ಸಾರುತ್ತೆ ಅನ್ನೋ ಸಂದೇಶವೂ ಹೋಗುತ್ತೆ. ಇದರಲ್ಲದೆ ಕಾಶ್ಮೀರ ಎಂದೆಂದಿಗೂ ಭಾರತದ ಅವಿಭಾಜ್ಯ ಅಂಗ. ಕಾಶ್ಮೀರ ಅಂದ್ರೆ, ಭಾರತ ಅನ್ನೋ ಭಾವನೆ ಕೂಡ ಮುಟ್ಟುತ್ತದೆ.

ಈಗಾಗಲೇ ಅಮೆರಿಕಾ ಅಧ್ಯಕ್ಷ ಡ್ರೊನಾಲ್ಡ್​ ಟ್ರಂಪ್​ ಕೂಡ ಗಪ್​ಚುಪ್​ ಆಗಿದ್ದಾರೆ. ಭಾರತ ಹೇಳಿದ್ರೆ ಮಾತ್ರ ಮಧ್ಯಪ್ರವೇಶ ಮಾಡೋದಾಗಿ ಟ್ರಂಪ್​ ಹೇಳಿದ್ದು, ಪಾಕಿಸ್ತಾನಕ್ಕೆ ಹಿನ್ನಡೆಯಾಗಿದೆ. ಒಟ್ನಲ್ಲಿ ಈಗಾಗಲೇ ಭಾರತೀಯ ಸೇನೆಯ 38 ಸೈನಿಕರು ಕಾಶ್ಮೀರದಲ್ಲಿ ಬೀಡು ಬಿಟ್ಟಿದ್ದಾರೆ. ಪ್ರಧಾನಿ ಮೋದಿ ನಿರ್ಧಾರ ಏನಾಗಿರುತ್ತೆ ಅನ್ನೋದು ಕುತೂಹಲ ಮೂಡಿಸಿದೆ.