ಅನರ್ಹ ಶಾಸಕರಿಗೆ ಸುಪ್ರೀಂಕೋಟ್ ಶಾಕ್​..! : 17 ಅನರ್ಹರ ಸ್ಥಿತಿ ಮತ್ತಷ್ಟು ಡೋಲಾಯಮಾನ.!

ನವದೆಹಲಿ : ಕಾಂಗ್ರೆಸ್ ಹಾಗೂ ಜೆಡಿಎಸ್​ನ 17 ಅನರ್ಹ ಶಾಸಕರ ಪರಿಸ್ಥಿತಿ ಮತ್ತಷ್ಟು ಡೋಲಾಯಮಾನವಾಗಿದೆ. ಅನರ್ಹ ಶಾಸಕರ ಅರ್ಜಿಯನ್ನ ಕೈಗೆತ್ತಿಕೊಳ್ಳಲು ಸುಪ್ರೀಂಕೋರ್ಟ್​ ನಿರಾಕರಿಸಿದೆ. ಇದರಿಂದ ಸುಪ್ರೀಂಕೋರ್ಟ್​ನಲ್ಲಿ ಅನರ್ಹ ಶಾಸಕರಿಗೆ ಭಾರೀ ಹಿನ್ನಡೆಯಾಗಿದೆ.

ಇವತ್ತು ಸುಪ್ರೀಂಕೋರ್ಟ್​ನಲ್ಲಿ ಅನರ್ಹ ಶಾಸಕರ ಅರ್ಜಿ ವಿಚಾರಣೆ ನಡೆಯಬೇಕಿತ್ತು. ಆದ್ರೆ, ಕೊನೇ ಕ್ಷಣದಲ್ಲಿ ಅನರ್ಹ ಶಾಸಕರ ಅರ್ಜಿಯನ್ನ , ವಿಚಾರಣೆಯಿಂದ ಕೈಬಿಟ್ಟು, ಡಿಲೀಟ್​ ಮಾಡಲಾಗಿದೆ. ಇಷ್ಟೊಂದು ತುರ್ತು ವಿಚಾರಣೆ ಅಗತ್ಯವಿಲ್ಲ ಎಂದು ಸುಪ್ರೀಂಕೋರ್ಟ್​ ನ್ಯಾಯಾಧೀಶರು ಅಭಿಪ್ರಾಯ ಪಟ್ಟಿದ್ದಾರೆ. ಇದರಿಂದ, 17 ಅನರ್ಹ ಶಾಸಕರು ಮತ್ತಷ್ಟು ದಿನ ಕಾಯಲೇಬೇಕು.

ಮತ್ತೆ ಯಾವಾಗ ಅರ್ಜಿ ವಿಚಾರಣೆಗೆ ಬರುತ್ತೆ ಅನ್ನೋದೇ ಗೊಂದಲಮಯವಾಗಿದೆ. ಸುಪ್ರೀಂ ನಿರ್ಧಾರದಿಂದ ಅನರ್ಹ ಶಾಸಕರು ಮತ್ತಷ್ಟು ದಿನ ಮಂತ್ರಿ ಆಸೆಯಿಂದ ದೂರ ಇರಬೇಕಿದೆ.