ಅನರ್ಹರು ಮಂತ್ರಿಗಳಾಗ್ತಾರೆ, ಯಾವುದೇ ರೀತಿಯ ಅನ್ಯಾಯ ಮಾಡಲ್ಲ: ಜೆಸಿಎಂ

ಬೆಳಗಾವಿ: ಅನರ್ಹ ಶಾಸಕರೆಲ್ಲಾ ಮಂತ್ರಿಯಾಗ್ತಾರೆ ಅವರಿಗೆ ಯಾವುದೇ ರೀತಿಯ ಅನ್ಯಾಯವಾಗಲು ಬಿಡುವುದಿಲ್ಲ ಎಂದು ಸಚಿವ ಜೆಸಿ ಮಾಧುಸ್ವಾಮಿ ಹೇಳಿದ್ದಾರೆ, ಬೆಳಗಾವಿಯಲ್ಲಿಂದು ಸುದ್ದಿಗಾರರೊಂದಿಗೆ ಮಾತನಾಡಿ, ನಾನು ನೇರವಾಗಿ ಹೇಳ್ತಿನಿ, ಅನರ್ಹ ಶಾಸಕರಿಗೆ ಯಾವ ರೀತಿಯಲ್ಲೂ ಅನ್ಯಾಯವಾಗುವುದಿಲ್ಲ, ಸುಪ್ರೀಕೋರ್ಟ್‌ನಲ್ಲಿ ರಾಮಮಂದಿರದ ವಿಚಾರಣೆ ನಡೆಯುತ್ತಿದೆ ಹಾಗಾಗಿ ಕೋರ್ಟ್‌ ಮೇಲೆ ಒತ್ತಡ ಹೇರುತ್ತಿಲ್ಲ ಎಂದರು.

ಸುಪ್ರೀಂಕೋರ್ಟ್‌ನಲ್ಲಿ ಅವರು ಅನರ್ಹರಾಗುವುದಿಲ್ಲ, ಅನರ್ಹರಾದರೂ ಚುನಾವಣೆಗೆ ನಿಲ್ಲಬಾರದು ಎಂದೇನಿಲ್ಲ, ರಾಜೀನಾಮೆ ಕೊಟ್ಟವರನ್ನ ಡೆಫೆಕ್ಷನ್‌ ಅಂತ ಹೇಳಲಾಗುವುದಿಲ್ಲ, ಒಂದು ವೇಳೆ ಸುಪ್ರೀಕೋರ್ಟ್‌ ಅನರ್ಹತೆ ಎತ್ತಿಹಿಡಿದರೂ ಮತ್ತೆ ಚುನಾವಣೆಗೆ ನಿಲ್ಲಬಹುದು ಎಂದರು.