ಅತ್ತಿ ಹಣ್ಣಿನ ಔಷಧಿಯ ಗುಣಗಳು

ಅತ್ತಿಮರ ಬಹುತೇಕ ಎಲ್ಲರಿಗೂ ಗೊತ್ತೇ ಇರುತ್ತೆ. ಆದರೆ, ಬಹುತೇಕರಿಗೆ ಅದರ ಉಪಯೋಗ ಏನು ಅನ್ನೋದು ಗೊತ್ತಿರಲ್ಲ. ನಾವೀಗ, ಅತ್ತಿಮರ ಪೌರಾಣಿಕ ಹಿನ್ನೆಲೆ, ಅದರ ಉಪಯೋಗ ಏನು ಎಂಬುದನ್ನ ತಿಳದುಕೊಳ್ಳೋಣ.
ಔದುಂಬರ ವೃಕ್ಷ ಅತ್ತಿಮರ. ಇದರ ಸಸ್ಯಶಾಸ್ತ್ರೀಯ ಹೆಸರು ಫೈಕಸ್ ರೆಸೆಮೊಸಾ. ಹಳ್ಳಗಳ ದಂಡೆಯ ಮೇಲೆ ಇದು ಸಾಧಾರಣ ಎತ್ತರದಲ್ಲಿ ಬೆಳೆಯುತ್ತದೆ. ಕೆಲವೊಮ್ಮೆ ದೊಡ್ಡದಾಗಿಯೂ ಬೆಳೆಯುತ್ತದೆ. ದಪ್ಪ ಟೊಂಗೆ ಮತ್ತು ಬೊಡ್ಡೆಗಳ ಮೇಲೆ ಮಾರ್ಚ್​ ನಿಂದ ಆಗಸ್ಟ್​ ಅವಧಿಯಲ್ಲಿ ಸಾವಿರಾರು ಹಣ್ಣುಗಳು ಬಿಡುತ್ತವೆ.
ಅತ್ತಿ ಹಣ್ಣಿಗೆ ಈಗ ಬಹಳ ಬೇಡಿಕೆ ಇದೆ. ಯಾಕಂದ್ರೆ, ಅತ್ತಿ ಹಣ್ಣು ಔಷಧಿಯ ಗುಣಗಳನ್ನ ಹೊಂದಿದೆ.
ಅತ್ತಿ ಹಣ್ಣಿನ ಔಷಧಿಯ ಗುಣಗಳು :
ಹೊಟ್ಟೆಯಲ್ಲಿ ಗುಳು ಗುಳು ಶಬ್ಧ, ನೋವು ಮತ್ತು ನೀರಿನಂತೆ ಭೇದಿಯಾಗುತ್ತಿದ್ದಂತೆ ಅತ್ತಿ ಮರದ ಹಾಲನ್ನು ಹೊಕ್ಕಳಿನ ಸುತ್ತ ಲೇಪಿಸುವುದು, ಬಟ್ಟೆ ಕಟ್ಟುವುದರಿಂದ ಹೊಟ್ಟೆ ಉಬ್ಬರ ಕಡಿಮೆಯಾಗುತ್ತವೆ.
ಬಾಯಾರಿಕೆಯಿಂದ ಕೂಡಿದ ಬಹುಮೂತ್ರ ನಿವಾರಣೆಗೆ ಈ ಹಣ್ಣು ರಾಮಬಾಣ. ಚೆನ್ನಾಗಿ ಮಾಗಿದ ಒಂದು ಹಿಡಿ ಅತ್ತಿ ಹಣ್ಣುಗಳನ್ನು ಒಣಗಿಸಿ, ಕುಟ್ಟಿ ಪುಡಿ ಮಾಡಿ, ಕಾಲು ಚಮಚಕ್ಕೆ ಸ್ವಲ್ಪ ಜೇನು ಬೆರೆಸಿ ದಿನಕ್ಕೆ ಎರಡು ಬಾರಿ ಸೇವಿಸಿದರೆ ಗುಣವಾಗುತ್ತೆ.
ಅತ್ತಿಯ ಹಾಲನ್ನು ಸಕ್ಕರೆ ಪುಡಿ ಸಮೇತ ಸೇವಿಸಿಲ್ಲಿ ಭೇಡಿ ಕಡಿಮೆಯಾಗುತ್ತದೆ.
ಅತ್ತಿ ರಸವನ್ನು ಗೋಧಿ ಹಿಟ್ಟಿನಲ್ಲಿ ಚೆನ್ನಾಗಿ ಕಲೆಸಿ, ಬಾವುಗಳಿಗೆ ಲೇಪಿಸಿ ಬಟ್ಟೆ ಕಟ್ಟುವುದರಿಂದ ಬಾವು ವಾಸಿಯಾಗುವುದು.
ಅದೇ ರೀತಿ, ಅತ್ತಿ ಮರದ ತೊಗಟೆಯನ್ನು ನೆರಳಿನಲ್ಲಿ ಚೆನ್ನಾಗಿ ಒಣಗಿಸಿ ಚೂರ್ಣ ಮಾಡಬೇಕು. ಬಳಿಕ ಎರಡು ಚಮಚ ಪುಡಿಯನ್ನ ಬಿಸಿ ನೀರಿಗೆ ಹಾಕಿ ಕಷಾಯ ಮಾಡಿ ಬೆಳಗ್ಗೆ ಮತ್ತು ಸಾಯಂಕಾಲ ಸೇವಿಸಿದರೆ ಮಧುಮೇಹ ನಿಯಂತ್ರಣಕ್ಕೆ ಬರುತ್ತದೆ.
ಡ್ರೈ ಫ್ರೂಟ್ಸ್​ :
ಅತ್ತಿ ಹಣ್ಣು ಯಾವಾಗಲು ಸಿಗುವುದಿಲ್ಲ. ಹೀಗಾಗಿ ಇತ್ತೀಚೆಗೆ ಅತ್ತಿ ಹಣ್ಣಿನ ಡ್ರೈ ಫ್ರೂಟ್ಸ್​ ತುಂಬಾ ಫೇಮಸ್. ಬೆಲೆಯೂ ಜಾಸ್ತಿನೇ ಇರುತ್ತೆ. ಇನ್ನು, ಮಾರ್ಚ್​​ನಿಂದ ಆಗಸ್ಟ್​ವರೆಗೆ ಅತ್ತಿ ಹಣ್ಣು ಸಿಗೋದ್ರಿಂದ ಸಾಮಾನ್ಯವಾಗಿ ಜ್ಯೂಸ್ ಅಂಗಡಿಗಳಲ್ಲಿ ಸಿಗುತ್ತೆ. ಈ ಬಾರಿ ಜ್ಯೂಸ್ ಅಂಗಡಿಗೆ ಹೋದ್ರೆ, ಅತ್ತಿ ಹಣ್ಣಿನ ಜ್ಯೂಸ್​ ಟೇಸ್ಟ್​ ನೋಡೋದನ್ನ ಮರಿಯಬೇಡಿ.