Featured
ಜಾಹ್ನವಿ ಕಪೂರ್ ಟ್ರೋಲ್ ಆಗ್ತಿರೋದು ಯಾಕೆ.? ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ಆಗಿದ್ದೇನು.?
ನವದೆಹಲಿ : ಬಾಲಿವುಡ್ ನಟಿ, ಚಲುವೆ ಜಾಹ್ನವಿ ಕಪೂರ್ ಮತ್ತೆ ಮತ್ತೆ ಸೋಶಿಯಲ್ ಮೀಡಿಯಾದಲ್ಲಿ ಟ್ರೋಲ್ ಆಗುತ್ತಲೇ ಇರ್ತಾರೆ. ಇದೀಗ ಮತ್ತೆ ಜಾಹ್ನವಿ ಟ್ರೋಲ್ ಆಗಿದ್ದು, ಬಾಲಿವುಡ್ನಲ್ಲಿ ಜೋರು ಸುದ್ದಿಯಾಗಿದೆ. ಇತ್ತೀಚೆಗೆ ದೆಹಲಿಯಲ್ಲಿ ಪುಸ್ತಕ ಬಿಡುಗಡೆ ಕಾರ್ಯಕ್ರಮವಿತ್ತು. ಇದಕ್ಕೆ ಮುಖ್ಯಅತಿಥಿಯಾಗಿ ಜಾಹ್ನವಿ ಕಪೂರ್ ಬಂದಿದ್ರು. ಈ ವೇಳೆ ಜಾಹ್ನವಿ ಯಡವಟ್ಟು ಮಾಡಿದ್ದಾರೆ. ಇದೇ ಕಾರಣಕ್ಕೆ ಜಾಹ್ನವಿ, ಟ್ರೋಲ್ ಮೇಲೆ ಟ್ರೋಲ್ ಆಗ್ತಿದ್ದಾರೆ.
ಪುಸ್ತಕ ಉಲ್ಟಾ ಹಿಡಿದು ಬಿಡುಗಡೆ..!
ಅದು ಕಾಲಿಂಗ್ ಸೆಹ್ಮತ್ ಹಿಂದಿ ಪುಸ್ತಕ ಬಿಡುಗಡೆ ಕಾರ್ಯಕ್ರಮ. ಪುಸ್ತಕ ಬಿಡುಗಡೆ ಮಾಡಿದ ಜಾಹ್ನವಿ ಕಪೂರ್, ಪುಸ್ತಕವನ್ನ ಉಲ್ಟಾ ಹಿಡಿದುಕೊಂಡಿದ್ದಾರೆ. ಉಲ್ಟಾ ಹಿಡಿದುಕೊಂಡು ಜನರಿಗೆ, ಮಾಧ್ಯಮಗಳಿಗೆ ತೋರಿಸಿ ಯಡವಟ್ಟು ಮಾಡಿದ್ದಾರೆ. ಪುಸ್ತಕ ಬಿಡುಗಡೆ ಕಾರ್ಯಕ್ರಮಕ್ಕೆ ಬಂದು, ಅದೇ ಪುಸ್ತಕವನ್ನ ಉಲ್ಟಾ ಹಿಡಿದುಕೊಂಡಿದ್ದು ಸರಿಯಲ್ಲ. ಹೀಗಾದ್ರೆ, ಹೇಗೆ ಅಂತ ನೆಟ್ಟಿಗರು ಸಖತ್ ಕ್ಲಾಸ್ ತಗೊಂಡು, ಟ್ರೋಲ್ ಮಾಡ್ತಿದ್ದಾರೆ.
ಇನ್ನೂ ಕೆಲವ್ರು, ಪುಸ್ತಕದ ಕಥೆ ಬಿಡಿ. ಜಾಹ್ನವಿ ಕಪೂರ್ ಇತ್ತೀಚೆಗೆ ತುಂಬಾ ಚೆನ್ನಾಗಿ ಕಾಣ್ತಿದ್ದಾರೆ. ಶ್ರೀದೇವಿಯಂತೆ ಜಾಹ್ನವಿ ಕೂಡ ಬಾಲಿವುಡ್ ಆಳ್ತಾರೇನೋ ನೋಡೋಣ ಅಂತ ಕಿಚಾಯಿಸ್ತಿದ್ದಾರೆ. ಪುಸ್ತಕ ಬಿಡುಗಡೆ ಕಾರ್ಯಕ್ರಮಕ್ಕೆ ಜಾಹ್ನವಿ ಕಪೂರ್, ಬಿಳಿ ಸೀರೆಯಲ್ಲಿ ಬಂದಿದ್ದದ್ರು. ಸ್ಲೀವ್ ಲೆಸ್ ಬ್ಲೌಸ್ ಹಾಕಿದ್ದ ಜಾಹ್ನವಿ, ಎಲ್ಲರ ದೃಷ್ಟಿಯನ್ನ ತನ್ನತ್ತ ಸೆಳೆಯುವಲ್ಲಿ ಸಕ್ಸಸ್ ಆಗಿದ್ರು.
ಅದೇನೇ ಆಗ್ಲಿ, ಅದ್ಯಾಕೋ ಏನೋ,ಜಾಹ್ನವಿಗೆ ನೆಟ್ಟಿಗರಿಂದ ತಪ್ಪಿಸಿಕೊಳ್ಳಲು ಆಗ್ತಿಲ್ಲ. ಮುಂದೆಯಾದರೂ, ಜಾಹ್ನವಿ ಎಚ್ಚರಿಕೆಯಿಂದ ಹೆಜ್ಜೆ ಇಡಬೇಕು..
